چیئرمین پی سی بی مینجمنٹ کمیٹی ذکاء اشرف کی سابق ٹیسٹ کرکٹر سرفراز نواز سے ملاقات

چیئرمین پی سی بی مینجمنٹ کمیٹی ذکاء اشرف کی سابق ٹیسٹ کرکٹر سرفراز نواز سے ملاقات ہوئی ہے، ذکاءاشرف اور سرفراز نواز کےدرمیان ملاقات نیشنل کرکٹ اکیڈمی میں ہوئی،ملاقات میں سابق کپتان مصباح الحق، محمد حفیظ نے بھی شریک تھے چئیر مین پی سی بی ذکاءاشرف نے سرفراز نواز کی پنشن بحالی کا معاملہ حل کردیا،
،اور سرفراز نواز کو ملاقات کےبعد ادائیگیوں کا چیک پیش کیا،سرفراز نواز کے مطابق 2017 سے سرفراز نواز کی پنشن کی ادائیگی نہیں ہوئی تھی انہوں نے کہا کہ پچھلے 6 سال کے بعد نیشنل کرکٹ اکیڈمی آیا ہوں، سرفراز نواز نے پنشن بحال کرنے پر ذکاء اشرف کا شکریہ ادا کیا ،انہوں نے کہا کہ چیئرمین صاحب سےملاقات کے بعد ایسے لگا کہ 6 سال جیسے 6 دن کے برابر تھے، دوسری جانب ذکاء اشرف نے کہا کہ سرفراز نواز جیسے کرکٹر کو اس حالت میں دیکھ کر افسوس ہوا ، سرفراز نواز کو ان کی پنشن جیسے حق سے محروم رکھنےپر دکھ ہوا، ذکا اشرف نے مزید کہا کہ پی سی بی کی سابقہ انتظامیہ کی طرف سےخزانے کو ذاتی بدلے کے طور پر استعمال کرنے پر مایوسی ہوئی، سرفراز نواز نے جس صورتحال کا سامنا کیا اس طرح کسی بھی کرکٹر نے نہیں کیا ہوگا، ذکا اشرف نے تمام سابق اور موجودہ کرکٹرز کو یقین دلایا کہ پی سی بی انہیں اپنا اثاثہ سمجھتا ہے، اور ان کا حق ادا کیا جائے گا،