سیکرٹری ٹورزم پنجاب آسیہ گل نے کہا ہے کہ پنجاب میں سیاحت کے فروغ کے لئے عملی طور پر کام کر رہے ہیں
سیکرٹری ٹورزم پنجاب آسیہ گل کا کہنا تھا کہ پنجاب کے شہریوں کے لئے پنجاب کا ٹوارزم ڈیپارٹمنٹ متحرک ہے ، ماہ فروری میں ہم چولستان میں جیب ریلی منعقد کر رہے ہیں، اٹھارویں بین الاقوامی چولستان جیپ ریلی چھ فروری سے 12 فروری تک جاری رہے گی، اسکے علاوہ پنجاب کے صوبائی دارالحکومت لاہور سمیت مری اور چکوال میں شہریوں کے لئے فوڈ فیسٹول کا بھی انعقاد کریں گے،پنجاب میں سیاحت کے فروغ کے لئے جدید عصری تقاضوں کے مطابق منصوبہ بندی کی جارہی ہے تاکہ سیاحوں کو بہترین ماحول میں بین الاقوامی معیار کی سیاحتی سہولیات فراہم کی جاسکیں اور وہ صحیح معنوں میں لطف اندوز ہوں اور نہ صرف پنجاب بلکہ پورے ملک میں سیاحت کو فروغ حاصل ہو
سیکرٹری ٹورزم پنجاب آسیہ گل کا کہنا تھا کہ پنجاب میں سیاحت کے فروغ سے ٹی دی سی پی کی کھوئی ہوئی شناخت بھی بحال ہوگی پنجاب میں سیاحت کے حوالے سے بے شمار پوشیدہ مقامات کو سامنے لایا جا رہا ہے۔ سیاحت کے فروغ سے معیشت بھی مزید مضبوط ہوگی اور ملک کے خوبصورت تاریخی، مذہبی، ثقافتی اور کلچرل مقامات کی اہمیت میں بھی اضافہ ہوگا۔
معروف اداکار فیروز خان نے پندرہویں چولستان جیپ ریلی میں شرکت کی