باغی ٹی وی کی رپورٹ کے مطابق سابق ایم ڈی پی آئی اے کو گرفتار کر لیا گیا
پی آئی اے کے سابق ایم ڈی اعجاز ہارون اور سابق ڈائریکٹر ایچ آر حنیف پٹھان کو گرفتارکیا گیا ہے،گرفتاری ایف آئی اے کے کارپوریٹ کرائم سرکل کراچی کے ہاتھوں عمل میں آئی،دونوں افسران پر سلیم سیانی نامی سابق ڈپٹی ایم ڈی بھرتی میں اختیارات سے تجاوز کرنے کا الزام ہے
وفاقی تحقیقاتی ادارے (ایف آئی اے) ترجمان کے مطابق اعجاز ہارون کو کراچی سے گرفتار کیا گیا ہے۔ اعجاز ہارون پر ڈپٹی ایم ڈی سالم سیانی کو غیرقانونی بھرتی کرنے کا الزام ہے۔
سلیم سیانی کو پی آئی اے کے 2009 کے ایچ آر رولز کے برخلاف بھرتی کیا گیا تھا اور سلیم سیانی کو 20 ہزار ڈالر تنخواہ اور دیگر مراعات دی گئیں۔ ایف آئی اے ترجمان کے مطابق پی آئی اے کے سابق ڈائریکٹر ایچ آر حنیف پٹھان کو بھی حراست میں لے لیا گیا ہے۔