حارث رؤف پھر بگ بیش لیگ میں ان ایکشن
باغی ٹی وی رپورٹ کے مطابق پاکستان کرکٹ ٹیم کے فاسٹ باؤلر حارث ایک بار پھر بگ بیش لیگ میں ایکشن میں ہونگے،میلبورن سٹارز نے تصدیق کی ہے کہ پاکستانی پیسر کے لئے ونڈو خالی ہوگئی ہے اور وہ گزشتہ سال کی طرح اس سال بھی لیگ کھیلیں گے۔رؤف فی الحال بلیک کیپس کے خلاف سیریز کے لئےپاکستان کی ٹی20 ٹیم کے ساتھ نیوزی لینڈ میں ہیں ۔پاکستان نے باکسنگ ڈے اور 3 جنوری کو دو ٹیسٹ میچزکھیلنے ہیں لیکن اس سے قبل 18 ، 20 اور 22 دسمبر کو تین ٹی20 میچز بھی ہیں۔
حارث رئوف کے اس سال بی بی ایل کے لئے دستیابی آسان نہیں تھی کیونکہ نیوزی لینڈ دورے کے بعد جنوبی افریقا نے پاکستان آنا ہےلیکن ایک ونڈو دستیاب ہونے کی وجہ سے معاہدہ ممکن ہوگیا ہے،کلب کو توقع ہے کہ وہ جنوری کے شروع میں آسٹریلیا پہنچیں گے۔کرک سین کے مطابق حارث رؤف کی آمد کا اعلان جمعہ کیا گیاہے ، وہ آٹھ سے زیادہ میچزکے لئے دستیاب ہوسکتے ہیں ، ان کی آمد4 جنوری ہوبارٹ یا 7 جنوری کوبرسبین ہیٹ کے ساتھ مقابلے کے وقت ہوسکتی ہے۔
اگر وہ پاکستان کی ٹیسٹ سیریز کے اختتام تک دستیاب نہیں ہوتے تو پھر ان کی واپسی 11 جنوری کو ایڈیلیڈ سٹرائیکرز کے خلاف میچ سے ہوگی۔
حارث روف بی بی ایل فائنل میچز کے لئے دستیاب نہیں ہونگے،انہیں فروری کے شروع میںپاکستان واپس جانا پڑے گا اور 11 فروری سے شروع ہونے والی پروٹیز کے خلاف ٹی 20 سیریز میں شرکت کرنی ہوگی۔
حارث رئوف گزشتہ سیزن میں میلبورن سٹارز کے کامیاب ترین بائولر رہے تھے جنہوں نے اپنے 10 میچوں میں 20 وکٹیں حاصل کیں جس میں میلبورن کرکٹ گرائونڈر پر سڈنی تھنڈر کے خلاف یادگار ہیٹ ٹرک اور ہوبارٹ ہریکینز کے خلاف 5 وکٹیں شامل تھیں