ایبٹ آباد۔ 30 جولائی (اے پی پی) ایبٹ آباد تعلیمی بورڈ آفس کے باہر احتجاج کرنے والے 60 طلباء کے خلاف تھانہ نواں شہر میں مقدمہ درج کر لیا گیا ہے، ملزمان کی شناخت کے بعد گرفتار کیا جائے گا۔ ایس ایچ او تھانہ نواں شہر کے مطابق بورڈ آف انٹرمیڈیٹ اینڈ سیکنڈری ایجوکشن کے زیراہتمام ایف اے/ ایف ایس سی کے نتائج کے خلاف طلباء نے احتجاج کے دوران مری روڈ ٹریفک کیلئے بلاک کر دیا تھا۔ احتجاج کرنے والے 60 طلباء کے خلاف تھانہ نواں شہر کی علت نمبر 440 میں زیر دفعہ 341/147/149 درج کر لیا گیا۔ ملزمان کو ویڈیو میں شناخت کے بعد انہیں گرفتار کیا جائے گا۔
ایبٹ آباد تعلیمی بورڈ آفس کے باہر احتجاج کرنے والے 60 طلباء کے خلاف تھانہ نواں شہر میں مقدمہ درج
