معروف گلوکارہ فریحہ پرویز نے اپنے حالیہ انٹرویو میں کہا ہے کہ میں بہت جلد اپنے یوٹیوب چینل پر ایک پروگرام کرنے جا رہی ہوں جو کہ موسیقی پر مبنی ہو گا. انہوں نے کہا کہ میں نے موسیقی سے بریک نہیں لیا تھا لیکن کورونا کے بعد حالات کافی تبدیل ہو گئے تھے جس کی وجہ سے کام کم ہو گیا تھا، اسی دوران میں نے اپنا بزنش شروع کیا اور بزنس میں بہت سارے چیلنجز رہے. انہوں نے کہا کہ میں نے کوک سٹوڈیو میں بھی گانا گایا بہت اچھا تجربہ رہا ہے، اب حالات بدل چکے ہیں پہلے کیسٹس ریلیز ہوتی تھیں ، سپانسرز ڈھونڈنے پڑتے تھے لیکن اب ایسا نہیں ہے.
”اب تو آپ اپنے یوٹیوب چینل پر آرام سے اپنی چیز اپلوڈ کر سکتےہیں اور کما سکتے ہیں. ”انہوں نے یہ بھی کہا کہ میں نے اداکاری سے توبہ بہت جلدی کر لی تھی میرا جنون موسیقی تھا. مجھے گھر کے کاموں میں بہت زیادہ دلچپسی ہے میں گھر کا ہر کام کر لیتی ہوں، کھانا بھی بنا لیتی ہوں. فریحہ پرویز نے کہا کہ میں بہت جلد اپنا ایک گانا ریلیز کرنے جا رہی ہوں. امید ہے کہ شائقین کو پسند آئیگا. انہوں نے کہا کہ ہمارے ہاں موسیقی کی دنیا میں بہت اچھا کام ہو رہا ہے.