حکومت نے 30 جون تک کمرشل بینکوں سے مزید ایک ارب ڈالر قرض لینے کا فیصلہ کیا ہے تاکہ اسٹیٹ بینک کے زرمبادلہ کے ذخائر کو مستحکم کیا جا سکے۔
باغی ٹی وی کے مطابق وزارت خزانہ نے متحدہ عرب امارات (یو اے ای) کے تین بڑے بینکوں سے اس مقصد کے لیے باضابطہ قرض کی درخواست کر دی ہے۔ذرائع وزارت خزانہ کے مطابق حکومت نے شارجہ اسلامک بینک، ابوظبی اسلامک بینک اور عجمان بینک سے ایک ارب ڈالر کے قرض کی درخواست کی ہے۔
یہ فیصلہ بین الاقوامی مالیاتی فنڈ (آئی ایم ایف) کی شرط پوری کرنے کے لیے کیا گیا ہے، جس کے تحت حکومت کو 30 جون 2025 تک اسٹیٹ بینک کے زرمبادلہ کے ذخائر کو 13.9 ارب ڈالر تک پہنچانا ہے۔آئی ایم ایف کے ساتھ جاری معاہدے کی شرائط میں قرض کا بنیادی مقصد غیر ملکی زرمبادلہ کے ذخائر کو تقویت دینا اور بیرونی مالیاتی استحکام کو برقرار رکھنا ہے۔
واضح رہے کہ پاکستان کی حکومت پہلے ہی آئی ایم ایف کے ساتھ جاری معاہدے کے تحت مالیاتی نظم و ضبط اور ذخائر کی بہتری کے اہداف پر کام کر رہی ہے۔
افغانستان اور بھارت ٹرانزٹ ٹریڈ دوبارہ فعال، واہگہ بارڈر سے درجنوں ٹرک بھارت روانہ
تنگوانی: بھینس چوری کی واردات کے دوران مزاحمت پر فائرنگ، گھر کا مالک شدید زخمی
وکلا کی عدم موجودگی،عمران خان کا پولی گراف ٹیسٹ کرانے سے انکار