گلگت بلتستان میں بابو سرٹاپ کے مقام پر سیلابی ریلے میں بہہ جانے والے 10 افراد کی تلاش 14 روز بعد ختم کر دی گئی، جبکہ غائبانہ نمازِ جنازہ ادا کر دی گئی۔
ترجمان گلگت بلتستان حکومت فیض اللہ فراق کے مطابق سرچ آپریشن کے دوران تمام متاثرہ گاڑیاں ملبے سے نکال لی گئیں تاہم لاپتہ افراد کا کوئی سراغ نہیں مل سکا۔فیض اللہ فراق کا کہنا تھا کہ بچنے کی تمام امیدیں ختم ہوچکی ہیں، جس کے بعد سرچ آپریشن باضابطہ طور پر روک دیا گیا ہے اور غائبانہ نماز جنازہ ادا کی گئی ہے۔
یہ افسوسناک واقعہ بابو سرٹاپ کے مقام پر پیش آیا تھا، جہاں سیلابی ریلے نے کئی افراد اور گاڑیوں کو اپنی لپیٹ میں لے لیا تھا۔ حکومتی اداروں اور ریسکیو ٹیموں نے مسلسل دو ہفتے تک سرچ آپریشن جاری رکھا۔
کراچی ایئرپورٹ کے نئے رن وے پر کام شیڈول سے پہلے مکمل
روسی تیل کی خریداری،ٹرمپ کی بھارت کو ٹیرف بڑھانے کی دھمکی