پاک فوج گلگت بلتستان کے سیلاب متاثرہ اضلاع میں امداری کارروائیوں میں مصروف

پاک فوج گلگت بلتستان کے سیلاب اور لینڈ سلائیڈنگ سے متاثرہ اضلاع میں امداری کارروائیوں میں مصروف ہے

آرمی انجینئر کور اور ایف ڈبلیو او کا لینڈ سلائیڈنگ کی وجہ سے بند سڑکوں کو کھولنے کا کام جاری ہے،حالیہ سیلاب اور لینڈ سلائیڈنگ کے دوران گلگت بلتستان کا زمینی راستہ دیگر علاقوں سے منقطع ہو گیا تھا،آرمی چیف کی خصوصی ہدایات پر گلگت بلتستان میں پاک فوج کی انجینئر کور شاہراہوں کی بحالی کا کام کر رہی ہے،شارع قراقرم جو لینڈ سلائیڈنگ کی وجہ سے بند ہو گئی تھی کو ڈائیوریشن بنا کر ٹریفک کیلئے کھول دیا گیا ہے،اسلام آباد سے گلگت براستہ بابو سر ٹاپ شاہراہ کو بھی کھول دیا گیا ہے،جگلوٹ سکردو روڈ کو استک پل کے علاوہ ٹریفک کے لئے بحال کردیا گیا ہے، دیوسائی روڈ کو بھی عام ٹریفک کیلئے کھول دیا گیا ہے،ہنز روڈ جو آگے استوار اور چین تک جاتی ہے وہ بھی عام ٹریفک کیلئے بحال کردی گئی ہے،پاک فوج امدادی سرگرمیوں اورزمینی رابطے کی مکمل بحالی کیلئے دن رات کوشاں ہے،مقامی آبادی کی جانب سے پاک فوج بالخصوص انجینئر کور کی بے مثال خدمات کو سراہا جا رہا ہے