اسلام آباد: وزیراعظم شہباز شریف نے ممتاز ماہر امراض چشم، ڈاکٹر پرامیلا لا ل کے انتقال پر گہرے دکھ اور افسوس کا اظہار کیا ہے، وزیراعظم نے مرحومہ کے اہلِ خانہ سے دلی تعزیت کرتے ہوئے ان کے صبر و استقامت کے لیے نیک تمناؤں کا اظہار کیا۔
انہوں نے مرحومہ کے اہل خانہ سے تعزیت کرتے ہوئے کہا کہ ڈاکٹر پرامیلا ل نے زندگی بھر امراض چشم کے شعبے میں خدمات انجام دیں اورلاکھوں غریب مریضوں کو آنکھوں کا سستا اورمعیاری علاج فراہم کرنےمیں اہم کردار ادا کی، ڈاکٹر پرامیلا لال کی خدمات صحتِ عامہ کے لیے ایک روشن مثال ہیں اڈاکٹر پرامیلا لال کو ان کی خدمات کے اعتراف میں حکومت کی جانب سے تمغہ امتیاز بھی دیا جا چکا ہے۔
انہوں نے کہا کہ امراض چشم کے شعبے میں غریب عوام کے لئے ان کی نمایاں خدمات کو ہمیشہ یاد رکھا جائے گا اور ان کی خدمات سے آنے والی نسلیں مستفید ہوتی رہیں گی،شہباز شریف نے دعا کی کہ اللہ تعالیٰ مرحومہ کی مغفرت کرے اور اہل خانہ کو صبر جمیل عطا فرمائے۔
امریکا کی وینزویلا میں فوجی کارروائی ، اقوام متحدہ کی سلامتی کونسل کا ہنگامی اجلاس طلب
میاں نواز شریف نے سیاست میں عوامی خدمت، ترقی اور فلاح کا کلچر متعارف کرایا،رانا ثنا اللہ
شاہد آفریدی کی بنگلہ دیش کرکٹ بورڈ کا ٹیم بھارت نہ بھیجنے کے اعلان کی حمایت