ڈیرہ اسماعیل خان میں پولیس نے رات گئے نامعلوم مسلح دہشتگردوں کا حملہ ناکام بنا دیا۔
ڈیرہ اسماعیل خان میں پولیس چیک پوسٹ پر حملے میں جوابی کارروائی کے دوران 2 دہشت گرد مارے گئے، ایک پولیس جوان معمولی زخمی ہوا۔دہشت گردوں کی جانب سے چیک پوسٹ پر اچانک فائرنگ کی گئی جس پر پولیس نے فوری اور بھرپور جوابی کارروائی کی، دونوں اطراف سے شدید فائرنگ کا تبادلہ ہوا۔پولیس کے مطابق زخمی جوان کو اسپتال منتقل کر دیا گیا، واقعے کی اطلاع ملتے ہی ڈی پی او سجاد احمد موقع پر پہنچ گئے، انہوں نے کہا کہ جوانوں نے دلیری سے حملہ پسپا کیا، مورال بلند ہے۔