اسلام آباد پولیس اور این سی سی آئی ایمان مزاری اور ہادی علی کی گرفتاری کے وارنٹ کی تعمیل نہ کراسکی۔
اسلام آباد کی ڈسٹرکٹ اینڈ سیشن کورٹ کے جج افضول مجوکہ نے ایمان مزاری اور ان کے شوہر ہادی علی کےخلاف متنازع ٹوئٹ کیس کی سماعت کی،نیشنل سائبر کرائم انویسٹی گیشن ایجنسی (این سی سی آئی اے) حکام سمیت پولیس حکام اور اسپیشل پراسیکیوٹرز عدالت پیش ہوئے جہاں دونوں اداروں کی جانب سے ملزمان کے وارنٹ گرفتاری کی تعمیل نہ کی جاسکی،این سی سی آئی اے اور پولیس کی جانب سے رپورٹ جمع کرانے کے لیے وقت مانگا گیا جس پر جج افضل مجوکہ نے کہا کہ جس کی رپورٹ غیراطمینان بخش ہوگی اس کے خلاف کارروائی ہوگی،عدالت نے کہا کہ دن 2 بجے تک این سی سی آئی اے اور پولیس وارنٹ سے متعلق رپورٹ جمع کرائے جس کے بعد عدالت نے سماعت میں 2 بجے تک وقفہ کردیا۔جج افضل مجوکہ نے دن دو بجے تک تفصیلی رپورٹ طلب کر لی
جج افضل مجوکہ نے کہا کہ این سی سی آئی اے کے پراسیکوٹر لکھ کر رپورٹ دیں گے،اس رپورٹ کے مطابق کاروائی کے حوالے سے لکھوں گا ،ایڈوکیٹ ایمان مزاری اور ہادی علی چٹھہ کو پیش نہیں کیا گیا ، جج نے استفسار کیا کہ کیا صورتحال ہے ؟ اسلام آباد پولیس اہلکار نے عدالت میں کہا کہ سر کوشش کر رہے ہیں ،جج نے این سی سی آئی اہلکار سے استفسار کیا کہ وارنٹ کدھر ہیں ؟ یہ تو رپورٹ غیر تسلی بخش ہے،ریاست آزاد پرسوں بتا رہے تھے ہائیکورٹ میں ہونے کی وجہ سے آج کے لئے کیس رکھوایا تھا ، ، این سی سی آئی اے پراسیکوٹر نے کہا کہ آرڈر کے مطابق این سی سی آئی اے کی ٹیم گئی ہوئی،عدالت نے سماعت میں دو بجے تک وقفہ کر دیا