پاکستان میں امریکی ناظم الامور نیٹلی بیکر نے سیالکوٹ کا دورہ کیا-
دورے میں انہوں نے شہر کی متحرک کاروباری برادری کی تعریف کی اور امریکا و پاکستان کے درمیان دوطرفہ تجارت اور سرمایہ کاری کو مزید مضبوط بنانے کی ضرورت پر زور دیا تاکہ باہمی خوشحالی کو فروغ دیا جا سکےسیالکوٹ چیمبر آف کامرس کی جانب سے دیے گئے ظہرانے سے خطاب کرتے ہوئے نیٹلی بیکر نے امریکا اور پاکستان کے درمیان تجارتی تعلقات کی مضبوطی کو اجاگر کیا۔
انہوں نے بتایا کہ دونوں ممالک کے درمیان تجارت کا حجم 8 ارب ڈالر سے تجاوز کرنے کی توقع ہے تجارت میں توسیع اس مضبوط بنیاد کی عکاسی کرتی ہے جو پاکستان میں اور عالمی سطح پر امریکی معاشی شراکت داری کے مثبت اثرات کو نمایاں کرتی ہے، امریکا اور پاکستان منصفانہ اور متوازن تجارتی تعلقات کے فروغ کے لیے کوشاں ہیں، جو دونوں ممالک کے لیے خوشحالی کا باعث بنیں گے گزشتہ 2 دہائیوں سے زیادہ عرصے سے امریکا پاکستان کی سب سے بڑی برآمدی منڈی اور نمایاں سرمایہ کار رہا ہے، تجارتی وسعت اور مشترکہ خوشحالی کے وسیع مواقع موجود ہیں۔
سانحہ گل پلازہ :جماعت اسلامی کا وزیراعلیٰ سندھ سے استعفے کا مطالبہ
دورے کے دوران امریکی ناظم الامور نے فارورڈ اسپورٹس، فرسٹ امریکن کارپوریشن لمیٹڈ اور سی اے اسپورٹس کا بھی دورہ کیا، جو سیالکوٹ کی اسپورٹنگ گڈز انڈسٹری میں عالمی سطح پر پہچان رکھتے ہیں، انہوں نے سیالکوٹ انٹرنیشنل ایئرپورٹ کا معائنہ کیا اور ایئر سیال کی انتظامیہ سے ملاقات بھی کی ان ملاقاتوں اور دوروں کے ذریعے عالمی سپلائی چینز، روزگار کے مواقع اور تجارت کے ذریعے معاشی ترقی میں امریکا اور پاکستان کے تعاون کی اہمیت کو اجاگر کیا گیا۔
نیٹلی بیکر نے کہاکہ امریکا جدید ٹیکنالوجی، جدت اور کاروباری صلاحیتوں کے ذریعے دونوں ممالک میں روزگار کے مواقع پیدا کرنے اور کمیونٹیز کو مضبوط بنانے کے لیے پرعزم ہے امریکا کھیلوں اور کاروبار کے ذریعے عوام، منڈیوں اور ثقافتوں کو جوڑنے کے لیے شراکت داریوں کو مزید مستحکم کررہا ہے امریکا پاکستان اور اس کے عوام میں گہری دلچسپی رکھتا ہے اور اس شراکت داری کو مزید آگے بڑھا رہا ہے، جس کی بنیاد پاکستان کی آزادی کے وقت رکھی گئی تھی اور جو تجارت، جدت، تعلیم اور ثقافتی تبادلے کے ذریعے مسلسل مضبوط ہو رہی ہے۔
سانحہ گل پلازہ:سندھ ہائیکورٹ نے حکومت، کمشنر کراچی، کے ایم سی و دیگر کو نوٹس جاری کردئیے