عالمی منڈی میں سونے کی قیمتوں میًں کمی

عالمی منڈی میں سونے اور دیگر قیمتی دھاتوں کی قیمتوں میں جمعرات کو کمی ریکارڈ کی گئی-

اسپاٹ گولڈ کی قیمت تقریباً 1 فیصد کمی کے ساتھ 4,793.63 ڈالر فی اونس پر آگئی، جبکہ گزشتہ سیشن میں سونا 4,887.82 ڈالر کی ریکارڈ بلند ترین سطح کو چھو گیا تھاامریکی گولڈ فیوچرز (فروری کی ڈلیوری کے لیے) میں بھی 1 فیصد کی کمی دیکھی گئی اور قیمت 4,790.10 ڈالر فی اونس ہوگئی، گولڈ مین سیکس نے جمعر ات کو دسمبر 2026 کیلئے سونے کی قیمت کا اپنا ہدف بڑھا کر 5,400 ڈالر فی اونس کردیا جو اس سے قبل 4,900 ڈالر فی اونس تھا۔

جبکہ اسپاٹ چاندی 92.27 ڈالر فی اونس پر مستحکم رہی جب کہ منگل کو یہ 95.87 ڈالر فی اونس کی ریکارڈ بلند سطح تک پہنچ گئی تھی، دوسری جانب اسپاٹ پلاٹینم کی قیمت میں 1.8 فیصد کمی ہوئی اور یہ 2,438.43 ڈالر فی اونس پر آ گئی حالانکہ بدھ کو یہ 2,511.80 ڈالر فی اونس کی ریکارڈ سطح کو چھوگئی تھی جبکہ پیلاڈیم 0.1 فیصد اضافے کے ساتھ 1,840.40 ڈالر فی اونس پر پہنچ گیا۔

دوسری جانب عالمی مارکیٹ میں سونا سستا ہونے بعدپاکستان میں بھی سستا ہو گیا،گزشتہ روز سونے کے نرخ پہلی پانچ لاکھ سے تجاوز کر گئے تھے، جس کے بعد قیمت کے پچھلے تمام ریکارڈ ٹوٹ گئےآج سونے کی قیمت میں 800 روپے فی تولہ کمی ہونے سے نئی قیمت 5 لاکھ 5 ہزار 562 روپے ہوگئی ہےدس گرام سونا 686 روپے سستا ہوا ہے جس کے بعد نئے نرخ 4 لاکھ 33 ہزار 437 روپے ہو گئے ہیں،جبکہ آج چاندی کی قیمت 30 روپے کم ہوئی ہے جس کے بعد فی تولہ قیمت 9904 روپے ہو گئی ہے،گزشتہ روز چاندی کی قیمت بھی بلند ترین سطح پر پہنچ گئی تھی-