میرے نزدیک وزیراعلیٰ پنجاب مریم نواز اس لحاظ سے خوش قسمت ہیں کہ انہیں نہایت پیشہ ور، دیانتدار اور قوم سے مخلص پولیس افسران کی ٹیم ملی ہے۔ لاہور میں امن و امان، سیف سٹی کا مؤثر کردار اور رات گئے فیلڈ میں موجود اعلیٰ افسران اس بات کا ثبوت ہیں کہ حکومت اور پولیس ایک صفحے پر ہیں۔ یہی تسلسل رہا تو لاہور مزید ترقی کرے گا۔ میرے نزدیک وزیراعلیٰ پنجاب مریم نواز شریف اس لحاظ سے خوش قسمت ہیں کہ انہیں پنجاب میں نہایت قابل، مخلص اور پیشہ ور پولیس افسران کی ٹیم میسر آئی ہے جو صوبے بالخصوص لاہور میں امن و امان کی صورتِ حال کو مؤثر انداز میں برقرار رکھے ہوئے ہے۔ یہ افسران نہ صرف اپنی قوم سے خلوص رکھتے ہیں بلکہ نظم و ضبط، دیانت اور دینی اقدار کے بھی پابند ہیں۔ میں اس وقت لاہور میں موجود ہوں اور اگر عام شہری سے پوچھا جائے تو ایک واضح رائے سامنے آتی ہے کہ موجودہ دور میں لاہور میں امن و امان کی صورتِ حال بہتر ہے۔ سیف سٹی اتھارٹی کا کردار قابلِ تحسین ہے، جسے اب بین الاقوامی سطح پر بھی سراہا جا رہا ہے اور غیر ملکی ماہرین آ کر اسے ماڈل کے طور پر دیکھ رہے ہیں، جو پنجاب پولیس کے لیے ایک بڑا اعزاز ہے۔
لاہور جیسے بڑے شہر میں رات بارہ بجے تک پولیس کے اعلیٰ افسران کا خود فیلڈ میں موجود ہو کر نگرانی کرنا اس بات کا ثبوت ہے کہ قیادت اور عمل درآمد میں سنجیدگی پائی جاتی ہے۔ آئی جی پنجاب، ڈی جی سیف سٹی، ڈی آئی جی آپریشنز اور دیگر افسران اپنی ذمہ داریاں احسن طریقے سے ادا کر رہے ہیں۔اگر یہی ٹیم اور یہی نظم و ضبط آئندہ دو برس برقرار رہا تو ان شاء اللہ لاہور نہ صرف امن کے اعتبار سے بلکہ ترقیاتی اور انتظامی لحاظ سے بھی ایک مثالی شہر بن کر ابھرے گا۔ بلاشبہ مریم نواز شریف خوش قسمت ہیں کہ انہیں ایسے افسران میسر آئے ہیں۔