ڈھاکا: بنگلا دیش کے ضلع شیرپور میں انتخابی مہم کے دوران بنگلا دیش نیشنلسٹ پارٹی اور جماعتِ اسلامی کے کارکنان کے درمیان ہونے والے تصادم میں جماعتِ اسلامی کے ایک سینیئر رہنما مولانا رضا الکریم جاں بحق ہوگئے۔
بنگلہ دیشی میڈیا کے مطابق شیرپور کے جھینائگاتی اَپزِلا میں جماعت اسلامی اور بنگلہ دیش نیشنل پارٹی کے کارکنان کے درمیان پرتشدد جھڑپوں کے نتیجے میں جماعت اسلامی کے ایک سینیئر رہنما جاں بحق ہو گئے،اس ہلاکت نے انتخابات سے قبل سیاسی تشدد کے خدشات کو نئے سرے سے ہوا دی ہے۔
جماعت اسلامی شیرپور کے امیر حافظ الرحمان نے الزام عائد کیا ہے کہ شیربور کے سریبارڈی اَپزِلا یونٹ کے سیکریٹری رضا الکریم کو بی این پی کے کارکنان نے اینٹوں سے بری طرح پیٹ کر ہلاک کیا،حافظ الرحمان نے بی این پی پر’سوچی سمجھی سازش کے تحت قتل‘ کرنے کا الزام عائد کرتے ہوئے خبردار کیا کہ اگر انتظامیہ 24 گھنٹوں میں قاتلوں کو گرفتار کرنے میں ناکام رہی تو جماعت اسلامی شدید احتجاج کرے گی، صورتحال بگڑنے کی صورت میں ہر لحاظ سے انتظا میہ جوابدہ ہوگی۔
پاکستان نیوی نے 14 ویں مرتبہ سی ٹی ایف-150 کی کمان سنبھال لی
یہ پرتشدد واقعہ بدھ کے روز اُس وقت پیش آیا جب جھینائگاتی اَپزِلا اسٹیڈیم میں اسسٹنٹ ریٹرننگ آفیسر کے زیرِ اہتمام انتخابی منشور پڑھنے کا پروگرام جاری تھا،حکام اور عینی شاہدین کے مطابق، مخالف امیدواروں کے حامیوں کے درمیان اگلی قطاروں میں بیٹھنے کے تنازع پر کشیدگی بڑھی اور یہ جھڑپ میں تبدیل ہو گئی،سینکڑوں کرسیاں اور کئی موٹر سائیکلیں توڑی گئیں، اور دونوں پارٹیوں کے 50 سے زائد کارکن زخمی ہوئے۔
رضاالکریم جھڑپ کے دوران شدید زخمی ہوئے اور ابتدا میں انہیں جھینائگاتی اَپزِلا ہیلتھ کمپلیکس منتقل کیا گیا، بعد میں شیربور ڈسٹرکٹ اسپتال بھیجا گیا، جہاں حالت بگڑنے پر انہیں میمن سنگھ میڈیکل کالج اسپتال بھیجا گیا، لیکن وہ راستے میں ہی رات 9:30 بجے دم توڑ گئے،شیرپور ڈسٹرکٹ اسپتال کے ڈاکٹروں کے مطابق موت کی صحیح وجہ پوسٹ مارٹم کے بعد تصدیق کی جائے گی۔
رضاالکریم فتح پورفاضل مدرسہ میں عربی کے لیکچرار تھے اور مقامی مسجد میں امام کی خدمات بھی انجام دے رہے تھے۔
لاہور ہائیکورٹ میں مزید ججز کی تقرری، ایک ایڈیشنل جج کی مدت میں توسیع کا نوٹیفکیشن جاری