او آئی بی عدالت اسلام آباد،تحریک انصاف کے خلاف بنائے گئے بیرونی فنڈنگ کیس کو پر لگ گئے
بیرونی فنڈنگ کیس میں عدالت نے ایف آئی اے کو چالان مکمل کرنے کیلئے 2 دن کی مہلت دے دی،او آئی بی عدالت کے جج عبدالغفور کاکڑ نے کیس پر سماعت کی ،فارن فنڈنگ کیس میں اسپیشل پراسکیوٹر واثق ملک عدالت میں پیش ہوئے ،جج عبدالغفور کاکڑ نے استفسار کیا کہ آپ ابھی تک کیا کررہے ہیں چالان مکمل کیوں نہیں ہوا، پراسکیوٹر واثق ملک نے کہا کہ اس کیس میں متعلقہ ملک سے رائے لینے کیلئے خط لکھ ہوئے ہیں، جج عبدالغفور کاکڑ نے کہا کہ میں تفتیشی کو شوکاز نوٹس اور ڈی جی ایف آئی اے کو طلب کرتا ہوں اگلی تاریخ پر،یہ معاملہ2022 سے چل رہا ہے اور آپ نے ابھی تک دلچسپی ہی نہیں لی، پراسکیوٹر واثق ملک نے کہا کہ عدالت ایک ہفتے یا دس دن کا ٹائم دے ہم چالان مکمل کر لیتے ہیں، عدالت سے استدعا ہے ایک موقع دیا جائے، شوکاز نوٹس اور ڈی جی طلبی کا حکم ابھی نہ دیا جائے، جج عبدالغفور کاکڑ نے کہا کہ میں اس معاملے کو دیکھ لیتا ہوں آپ دو دن میں اپنی کارکردگی دکھائیں، عدالت نے پی ٹی آئی فارن فنڈنگ کیس کی سماعت 4 فروری تک ملتوی کردی