رینالہ خورد: ڈاکوؤں کی دو وارداتیں، نقدی، موبائل اور موٹر سائیکل چھین لیے گئے

رینالہ خورد (باغی ٹی وی،سٹی رپورٹر)رینالہ خورد میں گذشتہ روز دو مختلف واقعات میں مسلح ڈاکوؤں نے دو افراد سے نقدی، موبائل فونز اور موٹر سائیکل چھین لی۔

تفصیلات کے مطابق محمد شہزاد رینالہ سے اپنے گاؤں 19 جی ڈی جا رہا تھا کہ دو مسلح ڈاکوؤں نے اس سے 5440 روپے نقد، موبائل فون اور موٹر سائیکل چھین کر فرار ہو گئے۔

اسی روز مشتاق احمد کو شہر سے گاؤں جاتے ہوئے 13 ون آر کے قریب دو مسلح ڈاکوؤں نے روکا اور اس سے موبائل فون اور 25 ہزار روپے نقد چھین لیے، جس کے بعد وہ فرار ہو گئے۔

پولیس نے دونوں واقعات میں الگ الگ مقدمات درج کر کے تحقیقات شروع کر دی ہیں۔