بنگلادیش میں عام انتخابات سے قبل حکومت نے ملک بھر میں سخت سکیورٹی انتظامات کر دیے ہیں اور فوج کو تعینات کر دیا گیا ہے۔ بین الاقوامی میڈیا کے مطابق انتخابات جمعرات کے روز منعقد ہوں گے، اور ڈھاکا سمیت تمام بڑے اور چھوٹے شہروں میں انتخابی مہم کا آخری دن مکمل ہو چکا ہے۔
حکام نے انتخابات کو پرامن بنانے کے لیے تین روز کے لیے رات 12 بجے سے موٹر سائیکل چلانے پر پابندی عائد کر دی ہے۔ سکیورٹی ادارے پولنگ اسٹیشنز اور حساس مقامات پر تعینات ہیں۔
ملک کی 300 رکنی پارلیمان کے لیے بنگلادیش نیشنلسٹ پارٹی، بنگلادیش جماعتِ اسلامی، نیشنل سٹیزن پارٹی اور جماعتی پارٹی سمیت مختلف جماعتوں کے ایک ہزار 981 امیدوار میدان میں ہیں۔ حکومت بنانے کے لیے کسی بھی جماعت یا اتحاد کو کم از کم 151 نشستیں حاصل کرنا ہوں گی۔
یہ انتخابات شیخ حسینہ کے استعفیٰ اور ملک چھوڑنے کے بعد منعقد ہو رہے ہیں، جبکہ عبوری حکومت کی سربراہی نوبل انعام یافتہ ڈاکٹر محمد یونس کر رہے ہیں۔
بنگلادیش میں عام انتخابات سے پہلے ملک بھر میں سکیورٹی سخت، فوج تعینات
