صنعتی صارفین کیلئے بجلی سستی کرنے کا نوٹیفکیشن جاری کر دیا گیا ہے، جس کے مطابق فی یونٹ بجلی کی قیمت میں 4 روپے 4 پیسے کمی یکم فروری سے نافذ ہوگی۔
نوٹیفکیشن کے مطابق اس کمی سے صنعتوں پر 101 ارب روپے کے کراس سبسڈی کے بوجھ کا خاتمہ ہو گیا ہے۔ بنیادی ٹیرف 33 روپے 58 پیسے سے کم ہو کر 29 روپے 54 پیسے فی یونٹ ہو گیا ہے، جو اب ساڑھے 11 سینٹ فی یونٹ کے برابر ہے۔
رپورٹ کے مطابق صنعتوں کی جانب سے بجلی کی قیمت پر تحفظات کے بعد پاور ڈویژن نے نیپرا میں درخواست دائر کی تھی۔ نیپرا نے 11 فروری کو سماعت کے بعد فیصلہ حکومت کو ارسال کیا اور اب یہ نوٹیفکیشن جاری کر دیا گیا ہے، جس سے صنعتی صارفین کو ریلیف ملے گا۔
صنعتی یونٹس کیلئے بجلی کی قیمت میں 4.04 روپے کمی
