تفصیلات کے مطابق، پٹرولیم ڈیلرز ایسوسی ایشن نے آٹومیٹک ٹینک گیجنگ (اے ٹی جی) سسٹم کی تنصیب پر تحفظات ظاہر کرتے ہوئے وزیر پٹرولیم کو خط لکھا ہے۔
ڈیلرز نے خط میں کہا کہ اے ٹی جی سسٹم کی تنصیب تیل کمپنیوں کی ذمہ داری ہے، کیونکہ سٹوریج، ڈسپنسرز اور پمپنگ سسٹم ان کے دائرہ کار میں آتے ہیں۔ انہوں نے بتایا کہ نجی تیل کمپنی وافی انرجی یہ اخراجات خود برداشت کر رہی ہے، اور مطالبہ کیا کہ یہ سسٹم ریفائنریز، سٹوریج ٹرمینلز اور گاڑیوں پر بھی نصب کیا جائے۔
ڈیلرز کا اصرار ہے کہ اے ٹی جی سسٹم کا تکنیکی اور مالی بوجھ ڈیلرز پر نہ ڈالا جائے بلکہ تیل کمپنیاں یا حکومت اسے سنبھالیں۔ خط میں مزید کہا گیا کہ یہ سسٹم اسمگل شدہ تیل کی فروخت روکے گا اور آئل سپلائی چین کو شفاف بنائے گا۔
اسمگلنگ روکنے والا آٹومیٹک ٹینک گیجنگ سسٹم: تنصیب میں تاخیر کا خطرہ
