ایران کے پاسدارانِ انقلاب نے اعلان کیا ہے کہ آپریشن وعدہ صادق 4 کی 54ویں لہر کے دوران اسرائیل میں اہم فوجی اور انتظامی مراکز کو نشانہ بنایا گیا ہے۔
پاسدارانِ انقلاب کے جاری بیان کے مطابق اس کارروائی میں مختلف جدید میزائل استعمال کیے گئے جن میں دو ٹن وزنی وارہیڈ والے خرمشہر میزائل، خیبر شکن میزائل، قدر اور عماد میزائل شامل ہیں۔
بیان میں کہا گیا کہ اس آپریشن میں پہلی مرتبہ سالڈ فیول اسٹریٹجک سجیل میزائل بھی استعمال کیا گیا جو ایران کے جدید ترین میزائلوں میں شمار ہوتا ہے۔
پاسدارانِ انقلاب کے مطابق حملوں کا ہدف اسرائیلی فضائی کارروائیوں سے متعلق انتظامی اور فیصلہ سازی کے مراکز، فوجی و دفاعی صنعتوں کا اہم انفراسٹرکچر اور مقبوضہ علاقوں کے وسط میں موجود عسکری تنصیبات تھیں۔
بیان میں مزید کہا گیا کہ کارروائیاں ایران کی عسکری حکمت عملی کے تحت کی گئیں اور حملوں کے نتائج کا جائزہ لیا جا رہا ہے۔
آپریشن وعدہ صادق 4 کی 54ویں لہر، ایران کا اسرائیل میں فوجی و انتظامی مراکز کو نشانہ بنانے کا دعویٰ
