یوکرین کے صدر ولادیمیر زیلنسکی نے انکشاف کیا ہے کہ ایران کے ڈرون حملوں کے خلاف دفاع کو مضبوط بنانے کے لیے دو سو سے زائد یوکرینی فوجی ماہرین مشرق وسطیٰ کے مختلف ممالک میں تعینات کیے جا چکے ہیں۔
برطانوی پارلیمنٹ سے اپنے خطاب میں انہوں نے بتایا کہ یوکرینی ٹیمیں پہلے ہی متحدہ عرب امارات، قطر اور سعودی عرب میں خدمات انجام دے رہی ہیں، جبکہ مزید ماہرین کویت روانہ کیے جا رہے ہیں تاکہ خطے میں دفاعی صلاحیت کو مزید بہتر بنایا جا سکے۔
زیلنسکی کا کہنا تھا کہ یوکرین نے حالیہ برسوں میں ڈرون حملوں کے خلاف مؤثر دفاعی تجربہ حاصل کیا ہے، جس کی وجہ سے دیگر ممالک بھی اس مہارت سے فائدہ اٹھانا چاہتے ہیں۔
انہوں نے مزید بتایا کہ امریکا سمیت گیارہ ممالک نے حالیہ ہفتوں کے دوران خلیجی ممالک پر ہونے والے ایرانی شاہد ڈرون حملوں سے نمٹنے کے لیے یوکرین سے مدد طلب کی ہے۔
خلیجی ممالک کے دفاع کے لیے یوکرینی ماہرین کی تعیناتی، زیلنسکی کا انکشاف
