باڑہ کے علاقے میں سیکیورٹی فورسز نے خفیہ اطلاع پر کارروائی کرتے ہوئے دو دہشتگردوں کو ہلاک کر دیا۔ کارروائی کے دوران فورسز نے دہشتگردوں کے ٹھکانوں کو نشانہ بنایا، سیکورٹی ذرائع کے مطابق ہلاک دہشتگردوں میں سے ایک وہ مرکزی ملزم بھی شامل ہے جس نے گزشتہ روز ایک جوان کا سر کاٹ دیا تھا۔
علاوہ ازیں باڑہ اکاخیل میں سکیورٹی فورسز کی کارروائی میں ہلاک 10 دہشتگردوں میں سے 4 کمانڈروں سمیت 7 دہشتگردوں، اور زخمی کی بھی شناخت ہو گئی؛ذرائع کے مطابق ہلاک دہشتگردوں میں کالعدم ٹی ٹی پی کے کمانڈر طارق، مقامی کمانڈر راجد، کمانڈر جاوید عرف غزنی، مقامی کمانڈر عبدالبصیر خیبری، عثمان، حمزہ اور زخمی دہشت گرد ثاقب شامل ہیں
دوسری جانب مردان، تھانہ شیخ ملتون کی پولیس چوکی بہرام خان کلے پر دہشت گردوں نے دستی بم حملہ کیا، ڈی پی او مردان مسعود بنگش کے مطابق حملے میں کوئی جانی نقصان نہیں ہوا ،پولیس کی بھاری نفری اور ریسکیو کی ٹیمیں جائے وقوعہ پر پہنچ گئی،پولیس نے علاقے کو گھیرے میں لے سرچ آپریشن شروع کردیا۔