وفاقی وزیر خزانہ محمد اورنگزیب نے آئی ایم ایف پروگرام کی نئی قسط کی منظوری جلد ہونے کی نوید سنادی۔
وزیر خزانہ محمد اورنگزیب نے واشنگٹن میں آئی ایم ایف اور ورلڈ بینک کے اجلاس کے موقع پر اہم ملاقاتیں کیں۔وزیر خزانہ نے آئی ایم ایف پروگرام کی نئی قسط جلد منظور ہونے کی نوید سنادی۔ کہا کہ فی الحال آئی ایم ایف کے پروگرام میں اضافے یا تبدیلی کی ضرورت نہیں، معاشی صورتحال کمزور ہوئی تو پھر آئی ایم ایف سے رجوع کیا جاسکتا ہے۔محمد اورنگزیب نے پاکستان کی عالمی بانڈ مارکیٹ میں واپسی کا عندیہ بھی دے دیا۔
وزیر خزانہ کی آئی ایم ایف ڈائریکٹر اور پاکستان کیلئے آئی ایم ایف مشن ٹیم سے ملاقات کی، وہ امریکی محکمہ خزانہ کے ڈپٹی انڈر سیکریٹری سے بھی ملے، سعودی فنڈ برائے ترقی کے سی ای او، ماسٹر کارڈ کے چیف گلوبل افیئرز سے بھی ملاقاتیں ہوئیں، انہوں نے گوگل کے نائب صدر اور ملٹی لیٹرل انویسٹمنٹ گارنٹی ایجنسی کے ایم ڈی سے بھی تبادلہ خیال کیا۔