سرگودھا میں 14 سالہ نوجوان کو مبینہ بدفعلی کے بعد زہریلی شراب پلا کر قتل کیے جانے کا افسوسناک واقعہ پیش آیا ہے۔ پولیس نے مقتول کے والد کی مدعیت میں 2 نامزد جبکہ ایک نامعلوم ملزم کے خلاف مقدمہ درج کر لیا ہے۔
پولیس حکام کے مطابق ابتدائی تحقیقات میں شبہ ظاہر کیا جا رہا ہے کہ نوجوان کو پہلے مبینہ طور پر بدفعلی کا نشانہ بنایا گیا اور بعد ازاں اسے زہریلی شراب پلا کر قتل کیا گیا۔ واقعے کے بعد علاقے میں خوف و ہراس پھیل گیا جبکہ اہل خانہ غم سے نڈھال ہیں۔پولیس کا کہنا ہے کہ واقعے کی مختلف پہلوؤں سے تفتیش جاری ہے اور ملزمان کی گرفتاری کے لیے چھاپے مارے جا رہے ہیں۔ حکام کے مطابق بچے کا پوسٹ مارٹم کروایا جائے گا جس کی رپورٹ سامنے آنے کے بعد موت کی اصل وجوہات اور واقعے کی نوعیت کے حوالے سے حتمی طور پر کچھ کہا جا سکے گا۔