لاہور کے علاقے اچھرہ پل پر کٹی پتنگ کی ڈور ایک اور شہری کے لیے خطرہ بن گئی، ڈور پھرنے سے موٹر سائیکل سوار نوجوان زخمی ہو گیا۔
ریسکیو حکام کے مطابق نوجوان ابوبکر موٹر سائیکل پر جا رہا تھا کہ اچانک کٹی پتنگ کی ڈور اس کی گردن پر پھر گئی، جس کے نتیجے میں وہ زخمی ہو گیا۔ اطلاع ملتے ہی ریسکیو ٹیم موقع پر پہنچ گئی اور ابتدائی طبی امداد فراہم کرنے کے بعد زخمی نوجوان کو اسپتال منتقل کر دیا۔ریسکیو حکام کا کہنا ہے کہ زخمی ابوبکر کی حالت اب خطرے سے باہر ہے اور اسے ضروری طبی سہولیات فراہم کی جا رہی ہیں۔
واقعے کے بعد پولیس نے نامعلوم افراد کے خلاف مقدمہ درج کر کے تحقیقات شروع کر دی ہیں۔ شہری حلقوں نے ایک بار پھر پتنگ بازی اور دھاتی ڈور کے استعمال کے خلاف سخت کارروائی کا مطالبہ کیا ہے۔
کٹی ڈور پھرنے سے نوجوان زخمی، ڈی آئی جی آپریشنز کا نوٹس،ایس ایچ او گارڈن ٹاؤن کو شوکاز نوٹس جاری
مسلم ٹاؤن پل ، کٹی ڈور پھرنے سے نوجوان کے زخمی ہونے کا معاملہ،ڈی آئی جی آپریشنز فیصل کامران کا واقعہ کا سخت نوٹس، ایس ایچ او گارڈن ٹاؤن کو شو کاز نوٹس جاری کر دیا گیا، ترجمان ڈی آئی جی آپریشنز کا کہنا ہے کہ ابوبکر نامی نوجوان موٹر سائیکل پر جا رہا تھا کہ کٹی ڈور اس کی گردن پر پھری. زخمی نوجوان کو فوری میو ہسپتال منتقل کر دیا گیا، حالت خطرے سے باہر ہے، ڈی آئی جی آپریشنز نے ایس پی ماڈل ٹاؤن کو واقعہ کی انکوائری کا حکم دے دیا۔ ترجمان دی آئی جی آپریشنز کا کہنا ہے کہ غفلت کے مرتکب افسران کے خلاف کارروائی کی ہدایت جاری ہے،تمام ایس ایچ اوز کو اپنے اپنے علاقوں میں پتنگ بازی کی روک تھام کیلئے سخت اقدامات یقینی بنانے کا حکم دیا ہے،تمام علاقوں میں درختوں، چھتوں اور بجلی کے کھمبوں پر لٹکتی ڈور فوری طور پر ہٹانے کی ہدایت کی ہے،ڈی آئی جی آپریشنز کا کہنا ہے کہ لاہور پولیس رواں سال ابتک 4ہزار 185 ملزمان گرفتار کر چکی ہے،پتنگ بازوں اور فروشوں سے 1 لاکھ 14 ہزار سے زائد پتنگیں اور 44 سو سے زائد چرخیاں برآمد کر چکی. شہریوں کی جانوں سے کھیلنے والوں کے خلاف بلاامتیاز قانونی کارروائیاں جاری رہیں گی.