وزیر دفاع خواجہ آصف نے کہا ہے کہ اگر بھارت نے دوبارہ پاکستان کو للکارا تو اس کا جغرافیہ بدل جائے گا اور وہ تاریخ کا حصہ بن سکتا ہے۔
نجی ٹی وی پروگرام “کیپٹل ٹاک” میں میزبان حامد میر کو خصوصی انٹرویو دیتے ہوئے خواجہ آصف نے بھارتی آرمی چیف کے حالیہ بیانات پر سخت ردعمل دیا۔
انہوں نے کہا کہ بھارت کو پہلے بھی بھرپور جواب مل چکا ہے اور وہ اب تک اس کے اثرات محسوس کر رہا ہے۔
وزیر دفاع کا کہنا تھا کہ پاکستان اپنی خودمختاری اور دفاع پر کسی قسم کا سمجھوتہ نہیں کرے گا اور ہر جارحیت کا مؤثر جواب دیا جائے گا۔
ایران سے متعلق گفتگو کرتے ہوئے خواجہ آصف نے کہا کہ ایران پر امریکا یا اسرائیل کے دوبارہ حملے کا امکان موجود نہیں کیونکہ عالمی سطح پر کئی ممالک جنگ کے حق میں نہیں ہیں۔
انہوں نے کہا کہ خطے میں کشیدگی کم کرنے کیلئے سفارتی کوششیں جاری ہیں اور عالمی برادری بھی مزید تصادم سے گریز چاہتی ہے۔
28ویں آئینی ترمیم سے متعلق سوال پر وزیر دفاع نے واضح کیا کہ کابینہ میں ابھی تک ایسی کسی ترمیم پر کوئی باضابطہ گفتگو نہیں ہوئی۔
سیاسی تجزیہ کاروں کے مطابق خواجہ آصف کے بیانات ایسے وقت میں سامنے آئے ہیں جب خطے میں پاکستان، بھارت، ایران اور اسرائیل سے متعلق سفارتی اور سکیورٹی صورتحال مسلسل توجہ کا مرکز بنی ہوئی ہے۔
بھارت نے دوبارہ للکارا تو اس کا جغرافیہ بدل دیں گے، خواجہ آصف
