وزیر اعلیٰ بلوچستان میر سرفراز بگٹی ایک روزہ دورے پر پیرکوہ پہنچ گئے۔
وزیر اعلیٰ بلوچستان میر سرفراز بگٹی نے ایف سی کے شہداء اختر علی اور عیدو خان کے اہلخانہ سے ملاقات اور فاتحہ خوانی کی۔وزیر اعلیٰ بلوچستان میر سرفراز بگٹی نےشہداء کے بھائیوں کے لیے ایک ایک سرکاری ملازمت دینے کا اعلان کیا اور کہا کہ شہداء کی قربانیاں ناقابل فراموش ہیں، امن کے قیام کے لیے سیکیورٹی فورسز کی خدمات قابل فخر ہیں، حکومت متاثرہ خاندانوں کی مکمل سرپرستی کرے گی، امن و امان پر کوئی سمجھوتہ نہیں ہوگا، دہشت گرد عناصر کے خلاف کارروائیاں مزید مؤثر بنائی جائیں گی۔ حکومت شہداء کے خاندانوں کے ساتھ کھڑی ہے اور انہیں تنہا نہیں چھوڑا جائے گا، شہداء کی قربانیاں تا قیامت یاد رکھی جائیں گی،