جرمنی کے شہر برلن میں عالمی ثقافتی میلہ میں پاکستانی رنگا رنگ ثقافت توجہ کا مرکز بن گیا
پاکستانی فنکاروں نے روایتی رقص، رنگوں اور دھنوں سے دنیا بھر کے افراد سے خوب داد حاصل کی،پنجاب سے سندھ، خیبر پختونخوا سے بلوچستان تک، پرفارمنسز نے چاروں صوبوں کی ثقافتی خوبصورتی کو شاندار انداز میں پیش کیا،کارنیوال آف کلچرز میں پاکستان نے 13 سال بعد واپسی کی جو ایک اہم اور قابلِ ذکر موقع ہے،اس ایونٹ میں دنیا بھر کے 70 سے زائد گروپس نے اپنی ثقافتوں کی نمائندگی کی،برلن میں روایتی لباس، موسیقی اور رقص سے پاکستانی گروپس نے خوب پزیرائی حاصل کی ہے
چاروں صوبوں کی جھلک نے ثابت کیا کہ پاکستان صرف ایک ملک نہیں، بلکہ ثقافتوں کا حسین گلدستہ ہے،بیرون ملک مقیم پاکستانی اور فنکار ملکی ثقافت کو بین الاقوامی سطح پر بھرپور انداز میں پیش کر کے ملک کی مثبت پہچان کو اجاگر کر رہے ہیں