حافظ آباد میں رکشہ ڈرائیور نے چالان ہونے پر اپنے رکشے کو آگ لگادی۔
پولیس کے مطابق ٹریفک وارڈن کی جانب سے ریلوے پھاٹک کے قریب رکشہ ڈرائیور کاچالان کیا گیا جس پر ڈرائیور مشتعل ہوگیا اور اس نے اپنے رکشے کو آگ لگادی رکشہ ڈرائیور کا کہنا تھا کہ آئے روز کے بھاری جرمانوں سے تنگ ہوکر رکشے کو آگ لگائی ہے۔
دوسری جانب ڈی پی او حافظ آباد کامران حمید کا ٹریفک چالان پر شہری کی جانب سے رکشے کو آگ لگانے کے واقعہ کا نوٹس لے لیا،ڈی پی او کامران حمید نے واقعہ کی انکوائری کا حکم دیتے ہوئے متعلقہ ٹریفک وارڈن کو معطل کر دیا،ڈی پی او کا کہنا ہےکہ واقعے کے بعد متعلقہ ٹریفک وارڈن کو معطل کرکے تحقیقات شروع کردی گئی ہے۔