مظفرآباد: جموں کشمیر جوائنٹ عوامی ایکشن کمیٹی کی جانب سے 9 جون کو دی گئی احتجاجی کال کے پیشِ نظر حکومتِ آزاد کشمیر نے سیاحوں کے داخلے پر 15 جون تک پابندی عائد کر دی ہے۔
آزاد کشمیر حکومت کی جانب سے اس حوالے سے باقاعدہ ایڈوائزری جاری کر دی گئی ہے، جس میں سیاحوں اور مسافروں کو 5 جون سے 20 جون تک آزاد کشمیر کا سفر کرنے سے گریز کرنے کی ہدایت کی گئی ہے۔حکومتی ایڈوائزری کے مطابق احتجاجی سرگرمیوں اور ممکنہ سیکیورٹی صورتحال کے باعث سیاحت اور دیگر مقاصد کے لیے آزاد کشمیر آنے والے افراد احتیاط برتیں اور غیر ضروری سفر سے اجتناب کریں،
حکومت نے آزاد کشمیر میں موجود سیاحوں اور مسافروں کو بھی ہدایت کی ہے کہ وہ کل شام تک علاقے سے نکل جائیں تاکہ کسی بھی ممکنہ دشواری یا ناخوشگوار صورتحال سے بچا جا سکے۔حکام کا کہنا ہے کہ یہ اقدامات عوامی تحفظ، امن و امان برقرار رکھنے اور شہریوں و سیاحوں کی سہولت کے پیشِ نظر کیے گئے ہیں۔ شہریوں سے اپیل کی گئی ہے کہ وہ جاری کردہ ہدایات پر عمل کریں اور صورتحال معمول پر آنے تک غیر ضروری سفر سے گریز کریں۔