لاہور ہائیکورٹ میں حسان نیازی کی ملٹری کسٹڈی، ملٹری کورٹ کی کارروائی اور کورٹ مارشل کے خلاف دائر درخواست اور اپیل پر سماعت ہوئی۔
جسٹس شہرام سرور چوہدری کی سربراہی میں دو رکنی بینچ نے کیس کی سماعت کی۔ دورانِ سماعت وزارت دفاع اور مقدمے کے اسپیشل پراسیکیوٹر منیر احمد بھٹی کو جواب جمع کرانے کے لیے مہلت دے دی گئی۔سماعت کے دوران اسپیشل پراسیکیوٹر منیر احمد بھٹی نے عدالت کو بتایا کہ ان کا حال ہی میں اس مقدمے کے لیے تقرر کیا گیا ہے، لہٰذا جواب تیار کرنے اور جمع کرانے کے لیے مزید وقت درکار ہے۔عدالت نے استدعا منظور کرتے ہوئے فریقین کو جواب داخل کرانے کی مہلت دے دی اور کیس کی مزید سماعت آئندہ تاریخ تک ملتوی کر دی۔
واضح رہے کہ حسان نیازی کی جانب سے ملٹری کسٹڈی، ملٹری کورٹ میں ہونے والی کارروائی اور کورٹ مارشل کے خلاف لاہور ہائیکورٹ سے رجوع کیا گیا ہے، جس پر عدالت قانونی نکات کا جائزہ لے رہی ہے۔