آزاد کشمیر انتخابات میں حلقہ ایل اے 37 جموں فورنارووال سے مرکزی مسلم لیگ کی حمایت یافتہ جموں کشمیر یونائیٹڈ موومنٹ کے امیدوار عثمان علیم کی انتخابی مہم کے دوران آخری جلسہ میںمذہبی و سیاسی جماعتیں ایک سٹیج پر جمع ہو گئیں،عثمان علیم کی بھرپور حمایت اور 2 اگست کو کرسی پر مہر لگانے،ووٹ کی حفاظت کرنے کا اعلان کر دیا
ظفروال میں انتخابی جلسے سے صدر مرکزی مسلم لیگ خالد مسعود سندھو، سابق وفاقی وزیر دانیال عزیز،رکن پنجاب اسمبلی محمود سنگراں،پیر سید اعجاز الحسن شاہ،نائب صدر مرکزی مسلم لیگ حافظ عبدالرؤف،تحریک انصاف کے رہنما مجاہد خان،تحریک لبیک کے رہنما رانا امان اللہ خان،سنی اتحاد کونسل کے رہنما حاجی عبدالرزاق گجر،ندیم رحیم،چوہدری مصور مہیس ،ڈاکٹر مزمل اقبال ہاشمی،حافظ امتنان علی گوہر، عرفان مہیس،عثمان علیم،فیصل منظور ایڈوکیٹ و دیگر نے خطاب کیا، انتخابی جلسے میں شہری بڑی تعداد میں شریک ہوئے ،شرکا امیدوار عثمان علیم کے حق میںنعرے لگا رہے تھے،خالد مسعود سندھو کا کہنا تھا کہ وزیرمنصوبہ بندی احسن اقبال آپ نے ایسی منصوبہ بندی کی نارووال ڈوبا ہوا ہے ، تعلیم کی یہ منصوبہ بندی کی کہ غریب تعلیم سے دور ہے،عوام نیب زدہ لوگوں کو مسترد کریں گے ،آج دنیا دیکھ رہی الیکشن میں ہم جیت چکے ہیں ،دانیال عزیز کا کہنا تھا کہ ہم اکیلے نکلے تھے لیکن عوام کی محبت نے آج مقروض کر دیا،کاشتکاروں کو حکمرانوں نے تباہ کر دیا ،13 بندوں کا جلسہ کرنے والا احسن اقبال ہم پر رعب ڈالے گا؟ نارووال میں نئی فضا بنی۔ آج سب متحد ہیں۔ نونی ٹولے سے جان چھڑائیں گے۔ فارم 47 اب نہیں ملنا، یہ ابتدا ہے ابھی تو پارٹی شروع ہوئی ہے۔رکن پنجاب اسمبلی محمود سنگراں،پیر سید اعجاز الحسن شاہ، حافظ عبدالرؤف، مجاہد خان، رانا امان اللہ خان، حاجی عبدالرزاق گجر،ندیم رحیم،چوہدری مصور مہیس ،حافظ امتنان علی گوہر،ڈاکٹر مزمل اقبال ہاشمی، عرفان مہیس،عثمان علیم،فیصل منظور ایڈوکیٹ کا کہنا تھا کہ دانیال عزیز نے عام آدمی کا ساتھ دے کر ثابت کر دیا کہ جابر حکمران کے سامنے کلمہ حق کہنا جہاد ہے،مسلم بھائی کے علاوہ کوئی امیدوار ہی نہیں عوام حکمرانوں کی گردن سے سریا نکالے گی،نارووال میں موجودہ حکمرانوں کی کارکردگی زیرو ، عوام 2 اگست کو ن لیگ کا جنازہ پڑھیں گے،2 اگست کو کرسی پر مہر لگا کرخدمت کی سیاست کو کامیاب کروائیں، مدمقابل چور ہیں لٹیرے ہیں، عوامی جذبے کو کوئی شکست نہیں دے سکتا