ہنگو میں سکیورٹی فورسز نے انٹیلی جنس بیسڈ آپریشن کرتے ہوئے فتنہ الخوارج کے 7 دہشت گردوں کو ہلاک کردیا۔
آئی ایس پی آر کے مطابق 7 اگست کو بھارتی پراکسی فتنہ الخوارج کے کارندوں کی موجودگی کی اطلاع پر انٹیلی جنس بیسڈ آپریشن کیا گیا جس دوران سکیورٹی فورسز نے خوارج کے ٹھکانے کو مؤثر انداز میں نشانہ بنایا،ہ آپریشن میں فتنہ الخوارج کے 7 دہشت گردوں کو ہلاک کیا گیا، ہلاک خوارج کے قبضے سے اسلحہ اور گولہ بارود بھی برآمد ہوا، دہشت گرد متعدد شہریوں کے قتل میں ملوث تھ، کیپٹن حمزہ نے جوانمردی نے لڑتے ہوئے جامِ شہادت نوش کیا، کیپٹن حمزہ اپنے دستوں کی قیادت کرتے ہوئے خوارج کا مسلسل تعاقب کر رہے تھے، علاقے میں کسی بھی دیگر خوارج کے خاتمے کے لیے آپریشن جاری ہے، دہشت گردی کےخاتمے کے لیے مؤثر انسدادِ دہشتگردی مہم پوری رفتار سے جاری رہے گی، بہادر جوانوں کی ایسی قربانیاں قوم کے تحفظ اور سلامتی کے عزم کو مزید مضبوط کرتی ہیں۔
صدر آصف علی زرداری نے ہنگو میں جام شہادت نوش کرنے پر کیپٹن حمزہ اکرم کو خراج عقیدت پیش کیا ہے اور کہا ہے کہ پوری قوم دلیر سپوت کی عظیم قربانی کو بھرپور خراج عقیدت پیش کرتی ہے،پوری قوم اپنے ان بہادر سپوتوں کی لازوال قربانیوں کی مقروض ہے،صدر نے کیپٹن حمزہ اکرم شہید کے اہل خانہ کے لیے صبر جمیل کی دعا ہے