قلعہ عبداللہ کے علاقے سیگی میں گاڑی پر فائرنگ کے نتیجے میں 2 خواتین جاں بحق جبکہ باپ اور بیٹی زخمی ہوگئے۔
پولیس کے مطابق فائرنگ کا واقعہ سیگی کے علاقے میں پیش آیا، جہاں گاڑی نہ روکنے پر ایک قبائلی گروہ نے مبینہ طور پر فائرنگ کی۔ زخمی باپ اور بیٹی کو تشویشناک حالت میں ٹراما سینٹر کوئٹہ منتقل کردیا گیا، جبکہ جاں بحق خواتین کی لاشیں عبدالرحمان زئی اسپتال منتقل کی گئیں۔پولیس کے مطابق جاں بحق اور زخمی افراد کا تعلق کراچی سے ہے اور وہ کاروباری معاملات کے سلسلے میں 2 روز قبل تحصیل گلستان آئے تھے، پولیس ذرائع کے مطابق تاحال واقعے کا مقدمہ بھی درج نہیں ہوسکا۔