اسلام آباد میں وفاقی محتسب برائے انسداد ہراسیت نے خاتون افسر کو دفتر میں ہراساں کرنے پر سرکاری ادارے کے جونیئر کلرک کو ملازمت سے برطرف کر دیا۔
وفاقی محتسب برائے انسداد ہراسیت فوزیہ وقار نے کیس کا فیصلہ سناتے ہوئے کلرک پر 10 لاکھ روپے جرمانہ بھی عائد کیا،کلرک کے خلاف خاتون افسر کو دفتر میں ہراساں کرنے کی شکایت درج کرائی گئی تھی جس پر سماعت کے بعد اسے ملازمت سے برخاست کرنے کا حکم دیا گیا،کیس میں ایک اور شخص پر سہولت کاری کا الزام عائد کیا گیا تھا، تاہم الزام ثابت نہ ہونے پر اس کے خلاف شکایت خارج کر دی گئی۔