اوکاڑہ ( نامہ نگار ملک ظفر) نئے تعینات ہونے والے ستھرا پنجاب ایجنسی تحصیل اوکاڑہ کے (سارکو) پروجیکٹ مینیجر محمد رضوان نے اپنے عہدے کا باقاعدہ چارج سنبھال لیا چارج سنبھالنے کے بعد انہوں نے دفتری امور کے ساتھ ساتھ تحصیل اوکاڑہ میں جاری صفائی آپریشن اور فیلڈ سرگرمیوں کا جائزہ لینا شروع کر دیا
محمد رضوان نے کہا کہ ستھرا پنجاب ایجنسی کے تحت شہریوں کو صاف ستھرا اور بہتر ماحول فراہم کرنے کے لیے صفائی کے نظام کو مزید مؤثر بنایا جائے گا فیلڈ میں صفائی ٹیموں کی کارکردگی، صفائی آپریشن، شہری اور دیہی علاقوں میں صفائی کے عمل کو مزید بہتر بنانے پر خصوصی توجہ دی جائے گی انہوں نے کہا کہ صفائی کے عمل میں کسی قسم کی غفلت برداشت نہیں کی جائے گی اور تمام فیلڈ ٹیمیں اپنی ذمہ داریاں محنت، لگن اور ذمہ داری کے ساتھ ادا کریں گی اس موقع پر ستھرا پنجاب ایجنسی تحصیل اوکاڑہ کے افسران و عملہ نے نئے سارکو پروجیکٹ مینیجر محمد رضوان کو عہدہ سنبھالنے پر مبارکباد پیش کی اور ان کے لیے نیک خواہشات کا اظہار کیا