پشاور: 9 مئی کیس کے ریڈیو پاکستان واقعے سے متعلق مقدمہ نمبر 221 کی سماعت انسدادِ دہشت گردی عدالت (ATC-III) پشاور میں ہوئی، جہاں تفتیشی افسر نے پولیس رپورٹ عدالت میں جمع کرا دی۔
ذرائع کے مطابق پولیس کی جانب سے جمع کرائی گئی رپورٹ میں وزیراعلیٰ خیبر پختونخوا سہیل آفریدی کے ریڈیو پاکستان کیس میں ملوث ہونے کی تصدیق کی گئی ہے۔ذرائع کا کہنا ہے کہ پنجاب فرانزک سائنس ایجنسی کی رپورٹس بھی پولیس کی جانب سے عدالت میں پیش کر دی گئی ہیں۔ پولیس رپورٹ جمع کرانے میں تاخیر ہوئی تاہم اعلیٰ پولیس حکام کی ہدایت پر رپورٹ عدالت میں پیش کی گئی۔عدالت میں آئندہ سماعت کے دوران دیگر سرکاری محکموں کی رپورٹس اور فرانزک رپورٹس کی روشنی میں تمام فریقین کے دلائل سنے جائیں گے۔عدالت نے پولیس رپورٹ پر فریقین کے دلائل کے لیے سماعت 14 ستمبر تک ملتوی کر دی۔