اجنکیا رہانے کا تمام طرز کی کرکٹ سے ریٹائرمنٹ کا اعلان

بھارت کے تجربہ کار بلے باز اجنکیا رہانے نے تمام طرز کی کرکٹ سے ریٹائرمنٹ کا اعلان کر دیا، جس کے ساتھ ہی ان کے بین الاقوامی، آئی پی ایل اور ڈومیسٹک کرکٹ کیریئر کا اختتام ہو گیا۔

اجنکیا رہانے نے اپنے کیریئر کے دوران بھارت کی نمائندگی کرتے ہوئے 85 ٹیسٹ، 90 ایک روزہ اور 20 ٹی ٹوئنٹی انٹرنیشنل میچز کھیلے۔ انہوں نے تینوں فارمیٹس میں مجموعی طور پر 8 ہزار سے زائد رنز اسکور کیے اور متعدد یادگار اننگز کھیلیں۔رہانے نے بھارت کی جانب سے اپنا آخری ٹیسٹ میچ 2023ء میں ویسٹ انڈیز کے خلاف کھیلا، جبکہ آخری ایک روزہ میچ 2018ء میں انگلینڈ اور آخری ٹی ٹوئنٹی انٹرنیشنل 2016ء میں ویسٹ انڈیز کے خلاف میدان میں اترے تھے۔

اپنے ویڈیو پیغام میں اجنکیا رہانے نے کہا کہ "ہر چیز کا ایک آغاز اور اختتام ہوتا ہے، اور اب مجھے محسوس ہوتا ہے کہ کرکٹ کو خیرباد کہنے کا یہی درست وقت ہے۔”بھارتی میڈیا کے مطابق ریٹائرمنٹ سے قبل رہانے انڈین پریمیئر لیگ (آئی پی ایل) میں کولکتہ نائٹ رائیڈرز کی قیادت کر رہے تھے، جبکہ وہ ممبئی کی جانب سے فرسٹ کلاس کرکٹ میں بھی مسلسل کھیل رہے تھے۔