آزاد کشمیر حکومت کی نئی 8 رکنی کابینہ نے حلف اٹھا لیا، قائم مقام صدر چوہدری طارق فاروق نے وزرا سے حلف لیا۔
تفصیلات کے مطابق حلف برداری کی تقریب ایوان صدر میں منعقد ہوئی، جس میں وزیراعظم آزاد کشمیر افتخار گیلانی، چیف سیکرٹری اور دیگر اہم شخصیات نے شرکت کی۔
نئی کابینہ میں مصطفیٰ بشیر، راجہ ثاقب مجید، سردار میرا کبر، کرنل (ر) وقار نور، اظہر صادق، راجہ ریاست، عمیر نعیم اور عبدالرحمٰن آرائیں شامل ہیں، جنہوں نے بطور صوبائی وزیر حلف اٹھایا۔
تقریب کے دوران قائم مقام صدر چوہدری طارق فاروق نے تمام وزرا سے حلف لیا۔ نئی کابینہ کے ارکان نے اپنے عہدوں کا حلف اٹھاتے ہوئے آئین و قانون کے مطابق اپنی ذمہ داریاں ادا کرنے کے عزم کا اظہار کیا۔
ذرائع کے مطابق آزاد کشمیر حکومت کی کابینہ کی تشکیل کا عمل ابھی مکمل نہیں ہوا۔ دوسرے مرحلے میں مزید وزرا اور مشیر کابینہ میں شامل کیے جانے کا امکان ہے، جس کے بعد کابینہ کا حجم مزید بڑھ جائے گا۔