جنگ کے بعد بھی بات چیت سے ہی مسائل کا حل نکلتا ہے،ایاز صادق

اسپیکر قومی اسمبلی سردار ایاز صادق کی استنبول میں ترکیہ کے ہم منصب نعمان کُرتُلموش سے اہم ملاقات ہوئی ہے

ملاقات بین الپارلیمانی یونین (آئی پی یو) کے 152 ویں جنرل اسمبلی اجلاس کے موقع پر ہوئی۔ملاقات میں اہم علاقائی اور بین الاقوامی امور پر تبادلہ خیال کیا گیا،اسپیکر سردار ایاز صادق نے عالمی امن، مذاکرات اور تنازعات کے پرامن حل پر زور دیا،اسپیکر قومی اسمبلی نے جنگوں کے خاتمے کے لیے ڈائیلاگ اور مشترکہ کوششوں کی ضرورت پر زور دیا،پارلیمانی سفارتکاری کو فروغ دینے اور دونوں ممالک کے درمیان تعاون بڑھانے کی اہمیت پر اتفاق کیا گیا،ترک اسپیکر نعمان کُرتُلموش نے پاکستان کی امن کوششوں کو سراہا۔ترک اسپیکر کا کہنا تھا کہ پاکستانی قیادت نے بروقت اقدامات کر کے خطے کو بڑے بحران سے بچا لیا، پاکستان کی امن کے قیام کے لیے کوششیں قابلِ تحسین ہیں، ترک اسپیکر نے وزیراعظم شہباز شریف، نائب وزیراعظم و وزیر خارجہ اسحاق ڈار اور آرمی چیف سید عاصم منیر کے کردار کی بھی تعریف کی،ترک اسپیکر نے پاکستان اور ترکیہ کے درمیان برادرانہ تعلقات کو مزید مضبوط بنانے کے عزم کا اعادہ کیا،دونوں ممالک نےپارلیمانی تعاون، ادارہ جاتی روابط اور وفود کے تبادلوں کو فروغ دینے پر اتفاق کیا،اسپیکر قومی اسمبلی کا ترک اسپیکر کی جانب سے پاکستان کے کردار کی تعریف پر اظہار تشکر کیا اور کہا کہ پاکستان خطے میں امن کا خواہاں ہے،پاکستان نے ہمیشہ امن کا پیغام دیا ہے، جنگ و جدل کسی بھی مسئلے کا حل نہیں ہے، مسائل کا حل ڈائیلاگ سے ہی ممکن ہو سکتا ہے، جنگ کے بعد بھی بات چیت سے ہی مسائل کا حل نکلتا ہے،پاکستان اپنے برادر اسلامی ممالک کی عزت اور تکریم کو قدر کی نگاہ سے دیکھتا ہے،