وزیراعلیٰ بلوچستان میر سرفراز بگٹی نے مستونگ میں فائرنگ کے واقعے میں زخمی ہونے والے ایڈیشنل سیشن جج طارق لشاری کو ٹیلی فون کر کے ان کی خیریت دریافت کی اور ان کی جلد اور مکمل صحت یابی کے لیے نیک خواہشات کا اظہار کیا۔
وزیراعلیٰ نے گفتگو کے دوران زخمی جج کی صحت سے متعلق تفصیلات معلوم کیں اور یقین دہانی کرائی کہ صوبائی حکومت ان کے علاج اور دیکھ بھال کے لیے ہر ممکن سہولت فراہم کرے گی۔
میر سرفراز بگٹی نے کہا کہ حکومت زخمی ایڈیشنل سیشن جج کی مکمل صحت یابی تک ان کی ہر ممکن معاونت جاری رکھے گی۔ انہوں نے کہا، "آپ کی مکمل صحت یابی تک ہم آپ کا بھرپور خیال رکھیں گے۔”
واضح رہے کہ مستونگ میں عدالتی قافلے پر حملے کے دوران سیشن جج عبدالحکیم کاکڑ شہید جبکہ ایڈیشنل سیشن جج طارق لشاریزخمی ہوئے تھے۔ اس واقعے کی شدید مذمت کی گئی ہے اور حکومت نے حملہ آوروں کو قانون کے کٹہرے میں لانے کے عزم کا اعادہ کیا ہے۔
وزیراعلیٰ بلوچستان کا زخمی ایڈیشنل سیشن جج طارق لشاری سے رابطہ، جلد صحت یابی کی دعا
