بنگلا دیش کے ائیر چیف کی پاک فضائیہ کے سربراہ سے ملاقات، جے ایف-17 طیاروں کی ممکنہ خریداری پر تبادلہ خیال

‎
بنگلا دیش کی فضائیہ کے سربراہ، ائیر چیف مارشل حسن محمود خان کی قیادت میں اعلیٰ سطح کے وفد نے پاکستان کی فضائیہ کے سربراہ، ائیر چیف مارشل ظہیر احمد بابر سدھو سے ملاقات کی۔
‎آئی ایس پی آر کے مطابق ملاقات میں جے ایف-17 تھنڈر طیاروں کی ممکنہ خریداری پر بات چیت ہوئی۔ بنگلا دیشی ائیر چیف نے پاکستانی ائیر چیف سے اپنے لڑاکا طیاروں کی دیکھ بھال اور مرمت میں معاونت کی درخواست بھی کی۔
‎اس کے علاوہ بنگلا دیشی ائیر چیف نے یہ درخواست کی کہ ان کے ائیر ڈیفنس ریڈار سسٹم کو پاکستان کے ایئر سرویلیئنس سسٹم سے منسلک کرنے میں تعاون فراہم کیا جائے۔
‎پاکستانی ائیر چیف مارشل ظہیر احمد بابر سدھو نے یقین دلایا کہ بنگلا دیش کی ائیر فورس کی صلاحیتوں میں اضافہ کے لیے مکمل تربیتی اور طویل مدتی معاون نظام فراہم کیا جائے گا۔ انہوں نے بنگلا دیش کو سپر مشاق تربیتی طیاروں کی جلد فراہمی کا بھی وعدہ کیا۔
‎ملاقات میں ایرو اسپیس شعبے میں تعاون، الیکٹرانک وار فیئر اور بغیر پائلٹ فضائی نظام میں پاک فضائیہ کی صلاحیتوں پر بھی تفصیلی بریفنگ دی گئی۔