ثالثی عدالت کا فیصلہ بھارت کے منہ پر عالمی قانون کا زوردار طمانچہ ہے،خالد مسعود سندھو

مرکزی مسلم لیگ کے صدر خالد مسعود سندھو نے کہا کہ بھارت کا سندھ طاس معاہدے کو یکطرفہ طور پر معطل کرنے کا خواب ثالثی عدالت کے فیصلے نے چکنا چور کر دیا ،عدالت نے واضح کر دیا کہ سندھ طاس معاہدہ آج بھی مکمل طور پر نافذالعمل ہے اور بھارت کو اس سے فرار کا کوئی قانونی راستہ حاصل نہیں،

خالد مسعود سندھو کا کہنا تھا کہ مودی سرکار نے دھونس اور ہٹ دھرمی کے ذریعے پاکستان کے پانی پر قبضے کی جو بھونڈی کوشش شروع کر رکھی تھی، عالمی قانون نے اسے مسترد کر دیا ہے، بھارت کو سمجھ لینا چاہیے کہ پاکستان اپنے دریاؤں، اپنے پانی اور اپنے بنیادی حقوق پر کوئی سمجھوتہ نہیں کرے گا،پانی زندگی ہے اور پانی کے لئے پاکستان کسی بھی حدتک جانے کو تیار ہے،بھارت کو آبی دہشتگردی روکنی ہو گی ،ثالثی عدالت کا فیصلہ پاکستان کی فتح اور بھارت کی آپریشن سندور کے بعد ایک اور بڑی شکست ہے،ثالثی عدالت سے بھی مودی سرکار رسوا ہو چکی ہے.