شمال مشرقی کولمبیا میں ایک طیارہ حادثے کا شکار ہو گیا، جس کے نتیجے میں طیارے میں سوار تمام 15 افراد ہلاک ہو گئے۔
سرکاری فضائی کمپنی ساتینا کے مطابق جاں بحق ہونے والوں میں ایک مقامی قانون ساز بھی شامل تھے،بیچ کرافٹ 1900 کا 2 انجنوں پر مشتمل ٹربو پوپ طیارہ دوپہر سے قبل وینزویلا کی سرحد پر واقع شہر کوکوٹا سے اوکانیا کے لئے روانہ ہوا تھا،جو ایک مختصر پرواز تھی،فضائی ٹریفک کنٹرول کا طیارے سے پرواز کے 12 منٹ بعد رابطہ منقطع ہو گیا، حادثے کی وجہ تاحال معلوم نہیں ہو سکی اور طیارے کا ایمرجنسی بیکن بھی فعال نہیں ہوا تھا۔
ایئرلائن کی جانب سے جاری کی گئی مسافروں کی فہرست کے مطابق مقامی قانون ساز ڈیوجینس کوئنٹیرو، ان کے عملے کے ارکان، اور کارلوس سالسیڈوبھی طیارے میں سوار تھے، جو مارچ میں ہونے والے انتخابات سے قبل کانگریس کے امیدوار تھے۔
پاکستان اور بنگلادیش کے درمیان 14 سال بعد براہ راست فضائی رابطہ بحال
حادثہ جس علاقے میں پیش آیا وہ ایک پہاڑی خطہ ہے جہاں کوکا کے پودے کاشت کیے جاتے ہیں، جو کوکین کی تیاری میں استعمال ہوتے ہیں،اس علاقے میں نیشنل لبریشن آرمی اور کولمبیا کی انقلابی مسلح افواج کے ایک باغی دھڑے سمیت متعدد غیر قانونی مسلح گروہ سرگرم ہیں۔