چین کو ڈیل کرنا کوئی آسان کام نہیں،ٹرمپ

امریکی صدر ڈونلڈ ٹرمپ کا کہنا ہے کہ ہم ایران کے تمام پل اور بجلی گھر ایک گھنٹے میں تباہ کرسکتے ہیں لیکن کرنا نہیں چاہتے۔

امریکی صدر ڈونلڈ ٹرمپ نے فاکس نیوز کو انٹرویو میں کہا کہ جنگ وقت سے پہلے ختم ہوگی، ہوسکتا ہے جلد ختم ہوجائے، لوگ کہہ رہے تھے تیل کی قیمت 200 ڈالر ہوگی، آج 92 ڈالر ہے۔ ان کا کہنا ہے کہ میں نے چینی صدر کو خط لکھا کہ ایران کو ہتھیار نہ دیں، چینی صدر کا جواب آگیا، وہ کہتے ہیں چین ایسا نہیں کررہا، ایران کو ایٹمی قوت بننے سے بچانے کیلئے یہ چھوٹی قیمت ہے۔ ٹرمپ نے کہا کہ چین یورپ کی کار انڈسٹری کو تباہ کررہا ہے، میں چین کے خلاف سب سے سخت مؤقف اپناتا ہوں، ہمارے ملک میں چین کی ایک بھی گاڑی نہیں آتی، چین کو ڈیل کرنا کوئی آسان کام نہیں، چین اور امریکا ایک دوسرے پر سائبر حملے کرتے رہتے ہیں۔