پاکستانی سیکیورٹی فورسز نے خیبر پختونخوا، بلوچستان اور کراچی میں حالیہ دہشتگرد حملوں کے بعد پاک افغان سرحد کے ساتھ بڑے پیمانے پر انٹیلی جنس کی بنیاد پر کارروائیاں کرتے ہوئے جماعت الاحرار اور فتنہ الخوارج سے تعلق رکھنے والے 29 دہشتگردوں کو ہلاک کردیا ہے۔
وفاقی وزیر اطلاعات و نشریات عطا اللہ تارڑ نے آپریشن ’غضب للحق‘ کے تحت سیکیورٹی فورسز کے آپریشن کی ویڈیو جاری کردی،انہوں بتایا کہ فورسز نے 28 اور 29 جون کی درمیانی شب افغانستان کے سرحدی علاقوں پکتیا، پکتیکا اور کنڑ میں کالعدم تنظیم جماعت الاحرار اور فتنہ الخوارج کے دہشتگردوں کے کیمپوں اور محفوظ ٹھکانوں کو کامیابی سے نشانہ بنایا۔
عطا اللہ تارڑ نے سماجی رابطے کی ویب سائٹ ایکس پر جاری اپنے بیان میں کہا کہ کارروائی کے دوران متعدد دہشتگرد ہلاک ہوئے، جبکہ ان کے زیر استعمال اسلحہ اور گولہ بارود کے ذخائر بھی مکمل طور پر تباہ کر دیے گئے، یہ کارروائی انتہائی درست معلومات اور مؤثر حکمت عملی کے تحت کی گئی، جس کا مقصد دہشتگردوں کی محفوظ پناہ گاہوں کا خاتمہ اور ملک کی سلامتی کو یقینی بنانا تھا۔