ہندوستانی دفاعی تجزیہ کار ابھیجیت لائر نے تصدیق کی ہے کہ ہندوستان نے 2019 کے واقعے کی طرح "آپریشن سندور” میں بلیو آن بلیو کلنگ کی تھی جب اس نے اپنا ہیلی کاپٹر مار گرایا تھا۔
بھارت کی مودی سرکار کو آپریشن سندور کے دوران نقصانات کے حقائق چھپانے پر شدید تنقید کا سامنا ہےرافیل طیاروں سے متعلق بھارتی سی ڈی ایس کے بیانات اور مودی کی ناقص حکمت عملی پر اپوزیشن لیڈرز کی جانب سے مودی سرکار پر سخت تنقید کی جا رہی ہےاپوزیشن جماعتوں کے رہنماؤں نے مودی کی ناکام پالیسیوں اور نام نہاد جمہوریت ہونے کے دعوؤں کا پردہ چاک کر دیا ہے وہیں ہندوستانی دفاعی تجزیہ کار ابھیجیت لائر نے بھی تنقید کی ہے-
ہندوستانی دفاعی تجزیہ کار ابھیجیت لائر نے ایک پوڈ کاسٹ میں بات کرتے ہوئے کہا کہ بالاکوٹ کے ٹائم ہم نے خود اپنے ہیلی کاپٹر کو گرایا تھا ،اس چیز کے سب خود گواہ ہیں کہ اس وقت کیا ہوا تھا تاہم اب 2019 کے واقعے کی طرح "آپریشن سندور” میں بلیو آن بلیو کلنگ کی تھی اور اپنے طیاروں کا نقصان کیا-
قبل ازیں بھارتی دفاعی تجزیہ کار پراوین سواہنی نے آپریشن سندور کو بھارتی افواج کی ناکامی اور مودی کے لیے بڑا دھچکا قرار دے دیا تھا ایک انٹرویو میں پراوین سواہنی نے کہا تھا کہ حالیہ بحران میں بھارتی فضائیہ کی کمزوریاں مزید نمایاں ہو گئیں، پاکستان کی طاقت کا اندازہ نہ لگا پانا بھارتی سیکیورٹی اسٹیبلشمنٹ کی بڑی ناکامی ہے۔
بھارتی دفاعی تجزیہ کار نے کہا تھا کہ بالاکوٹ حملے میں بھی انڈین ایئر فورس کی الیکٹرانک وار فیئر میں کمزوری سامنے آئی تھی، پاکستان کی طاقت کا اندازہ نہ لگا پانا بھارتی سیکیورٹی اسٹیبلشمنٹ کی بڑی ناکامی ہےپاکستان کے 5 بھارتی طیارے گرانے کے بیان پر بھارت سے کوئی جواب نہ آنے کو دنیا نے دیکھا ہے، ملٹری کی سطح پر اور بھارت کی بطور ریاست ساکھ بری طرح متاثر ہوئی ہےمودی کا مضبوط لیڈر ہونے کا امیج ختم ہونے سے بھارتی عوام کو دھچکا لگا ہے، بھارتی میڈیا کے سرکس سے دنیا میں تماشہ بنا، انفارمیشن وار فیئر میں بھی بھارت کی ناکامی ہوئی۔
دوسری جانب مودی سرکار نے سفارتی ساکھ بحال کرنے کیلیے لابنگ پر کتنے لاکھ ڈالرز خرچ کیے ۔۔۔؟امریکی تحقیقاتی ادارےکی رپورٹ میں تہلکہ خیز انکشافات سامنے آئے ہیں امریکہ میں لاکھوں ڈالرز کی لابنگ کے باوجود بھارت کو سفارتی محاذ پر شکست کا سامنا ہے۔
امریکی تحقیقاتی ادارےکی رپورٹ کے مطابق بھارتی حکومت نے امریکی لابنگ فرم کو 4لاکھ 50 ہزار ڈالرز دیئے اور بھارت نے اپنی سفارتی ساکھ کوبحال کرنےکی کوشش کی۔دوسری جانب بھارتی میڈیا کا بتانا ہےکہ’’ آپریشن سندور‘‘ میں بھارت نےلابنگ کے ذریعے ٹرمپ انتظامیہ سے رابطےشروع کیے اوربھارتی وفد نے امریکی انتظامیہ سے ملاقاتوں کیلئے لابنگ فرم کی مدد لی،بھارت نے 2 لابنگ فرمز کوبالترتیب1.8ملین ڈالرز اور 75 ہزار ڈالرز سہ ماہی پر ہائیر کیا۔