ڈریپ ریفرنس میں سابق سیکرٹری قانون ارشد فاروق کی بریت درخواست پر فیصلہ محفوظ
باغی ٹی وی کی رپورٹ کے مطابق ادویات کی قیمتوں میں اضافہ کے ڈریپ ریفرنس میں سابق سیکرٹری قانون ارشد فاروق کی بریت درخواست پر فیصلہ محفوظ کر لیا گیا
احتساب عدالت اسلام آباد کے جج محمد بشیر نے فریقین کے وکلا کے دلائل سننے کے بعد فیصلہ محفوظ کیا،سابق سیکریٹری قانون کی نیب ریفرنس سے بریت کی درخواست پر فیصلہ 8 جون کو سنایا جائے گا
نیب پراسیکیوٹر کا کہنا ہے کہ ارشد فاروق کا ادویات کی قیمتوں میں اضافے میں مرکزی کردار تھا،ارشد فاروق کیخلاف شواہد موجود ہیں، وہ ادویات کی قیمتوں کا تعین کرنے والی کمیٹی کے سربراہ رہ چکے ہیں،ادویات کی قیمتوں میں ملی بھگت سے مصنوعی اضافہ کر کے 8 فارماسوٹیکل کمپنیوں کو فائدہ پہنچایا گیا،
ارشد فاروق نیب ریفرنس میں 2016 سے ملزم نامزد ہیں،ارشد فاروق ایک ارب 68 کروڑ کے ڈریپ ریفرنس میں ملزم نامزد ہیں